بالتفصيل طريقة المقلوبة السورية بالدجاج

اليوم جبنالكم أطيب اكلة بسوريا وبلبنان وهي اكلة غير شكل ومظهرها بيشرف بكل العزومات على اختلاف المستويات وفي

طريقتنا سهلة كتير وما بتتعذبي بالمرة ومكونات قليلة عبارة عن تلت مكونات رئيسية والباقي حسب الاختيار
المقادير 
فروج او كيلو فخاذ او كيلو صدر فروج او مخلط فخاذ وصدر مع بعضهن
كيلو رز بسمتي او اي نوع بتحبي 
كيلو باذنجان 
مكسرات للتزيين 
الطريقة 
اول شي منقشر ومنقطع الباذنجان دواير  ومنحطهبالمصفاة ومنرش عليه ملح ومنتركه يصفي ومنرجع عالفروج منغسله ومنقطعه ومنحط عليه ملح وشوية حامض كرمال تروح الزنخة وأخر منجهز الرز منغسله ومننقعه شوي بالمي والملح 
وهلق كل مكوناتنا جاهزة منبلش بالباذنجان بيكون صفى شوي منقليه بالزيت ومنخليه على جنب

ومنجيب طنجرة الطبخ ومنحط زيت او زبدة حسب الذوق ومنقلي الفروج هو ماراح يستوي تماما بس ما تخافوا لانه لسا رح ينسلق بس خلوه حتى ياخد لون الأحمر الحلو

ومنحط فوقه الباذنجان المقلي وفوقه الرز بعد ما نصفيه من المي وبعدين المي حسب كمية الرز وإذا عندك مرق فيكي تحطيه بتطلع ادسم المقلوبة وأخيرا منحط ملح وبهارات المقلوبة وإذا مابتحبي البهارات مافي داعي بس هي بتعطيها اللون الحلو ومنتركها على نار مرتفعة حتى تبلش تغلي وبعدين منخفض النار تحتها ومنغطي الطنجرة حتى تستوي بدها شي عشر دقايق على نار هادية وبعدين منتركها شوي حوالي خمس دقايق حتى ترتاح شوي وبعدين منقلبها

ومنزينها بالمسرات وصحة وهنا ينصح جنبها باللبن مع الخيار.  او اللبن لحاله