أطيب ملوخية سورية بالدجاج

اليوم  حابين نعمل سوى ملوخية بالدجاج على الطريقة السورية طريقتنا كتير سهلة بس النتيجة غير شكل يلا منبلش سوى

المقادير
١ /كيلو صدر دجاج او نص كيلو صدر دجاج ونص كيلو فخاذ حسب الرغبة
٢/ملوخية خضرا او يابسة حسب الاختيار اليوم نحن رح  نعمل الملوخية اليابسة
٣/ راس من الثوم ٤/ ليمون حامض عدد ٢
٥/ كزبرة يابسة وكزبرة خضرا بصلة  ورق  غار ملح وزبدة
الطريقة
اول شي منسلق الفروج ومنضيف معه البصلة وورق الغار وملح وشوي من البهارات وبس يستوي منيح منشيله من ألمي ومنتركه حتى يبرد ثم مننزع اللحمة ومنكب الجلد والعظم هيك يعني متل  الصورة

بس ما منكب مي السلق منصفيها من البصل وورق الغار ومنخليها على جنب
وهلق دور الملوخية  منغسلها ومنسلقها ومنخليها تغلي مرة وحدة وبعدين منصفيها ومنغسلها بمي باردة ومنعصرها منيح ومنخليها على جنب
هلق دور تطبيق الطبخة كله جاهز ومنجيب طنجرة الطبخ ومنحط زبدة شي تلت ملاعق وبعدها اللحمة يلي جهزناها وبعدها ثوم وكزبرة خضرا ويابسة ومنبلش نضيف الملوخية شوي شوي يعني ملعقة ملعقة ومنحركها منيح مع اللحمة والتوم ومنرجع منضيف ملوخية وهيك حتى نخلص كل الكمية بعدها منضيف مي السلق يلي تركناها على جنوب ومنتركها تغلي على مهلها لمدة ربع ساعة او أكثر حسب الغاز وهون ينصحكم تحطوا حبة بندورة مقتل ماهي بالطنجرة وبس تستوي الملوخية منشيل البندورة ومنتبها بس البندورة ما بتخلي الملوخية تمخط او تصير لزجة وبعدها بس تكون استوت منكون بمقلاة جانبية حاطين ثوم وكزبرة يابسة وبس يتحمصوا منضفلن حبة ليمون حامض وملعقة صغيرة فليفلة حمرا مطحونة ومنضيفن للطنجرة الملوخية ومنتركها خمس دقايق بعد ما نشيلها عن الغاز حتى يمتزجوا كل المكونات سوى وصحة وهنا
تقدم مع الرز والخبز المحمص